HATAW! D'yaryo ng Bayan hatawtabloid.com
SADYANG business-minded ang former member ng Mocha Girls na si Jhane Santiaguel. Pabor naman ito sa kanya, lalo na ngayong panahon na mayroong pandemic. Kahit kasi nasa bahay lang, nakakapag-business si Jhane.
Sa ngayon, aminado siyang mas nakatutok sa sariling liptint brand na tinawag niyang Obsessions by MJS, kaysa kanyang showbiz career. “Yes po tito, ang business ko ay Obsessions by MJS (Mary Jane Santiaguel), liptint brand po ito,” nakangiting saad ni Jhane.
Dagdag pa niya, “Bale, available po ito thru online. Business na po talaga tito ang mas focus ko ngayon, kaysa asa showbiz. Nag-eenjoy po ako nang sobra sa pagnenegosyo, kahit minsan nakaak-stress at nakakapagod. Pero nakakatuwa po tito, kasi mahal ng mga tao ang brand ko po,” deklara pa ni Jhane.
Bakit niya naisipang mag-business ng liptint? “E kasi, obsessed po ako sa liptint tito, hahaha!” sambit pa niya.
Esplika pa ng aktres/dancer, “Nag-start po ako last May 8 po, tapos buong ‘Pinas po mayroon na rin po akong mga distributor.”
Paano niya ide-describe ang kanyang liptint? Ano ang kaibahan nito sa ilang brands? “Ang Obsessions by MJS ay 100% nakaka-obsessed. Kahit po mag-mask ngayong pandemic ay hindi po siya dumidikit sa mask. Lightweight din po ito and long lasting, at organic,” proud na pahayag pa ni Jhane.
Mahirap bang mag-business ng ganyan?
“Mahirap din po, especially pandemic po ngayon at sobrang tagal po ng shipping. Pero, super-saya ko po, pangarap ko po kasi ito, ang magkaroon ng sariling liptint brand,” wika pa niya.
ALAM MO NA!
ni Nonie Nicasio
