HATAW! D'yaryo ng Bayan hatawtabloid.com
Nabasa namin ang latest post ni Dovie San Andres sa kanyang Facebook na desidido na siyang ireklamo kay Raffy Tulfo ang former boyfriend indie actor-model na matapos siyang gamit-gamitin ay basta-basta na lang hiniwalayan o itinapon na parang basura.
Ayon kay Dovie, malaking halaga ang nakuha sa kanya ng ex niya na ginamit ang kanyang kahinaan at siya ay sinamantala.
Kabilang sa nabili ng said indie actor na galing kay Dovie ay second hand car, na kanyang naibenta na. Walang consent si Dovie na ipagbili ang kotse dahil ang usapan nila kapag nagbakasyon ang controversial social media personality sa bansa ay iyon ang gagamitin nilang service at ipagda-drive siya ng lalaki sa mga bibisitahing lugar.
Malinaw raw ang usapan nila ni indie actor. Pero may mga gabing hindi nakatutulog si Dovie dahil sa stress niya sa dating nobyo at ang hindi niya matanggap ay balitang nakarating sa kanya na ipinagpalit na siya nito sa ibang babae.
At feeling ni Dovie, ay betrayed siya kaya once na makauwi siya ng bansa ay pupunta siya agad kay Raffy Tulfo para panagutin si indie actor sa mga atraso sa kanya. Malakas daw ang laban niya at hawak niya ang lahat ng ebidensiya kabilang na ang mga transaction receipt ng mga perang ipinadala niya rito sa Western Union since 2019.
Ayon kay Dovie, pareho nilang idolo ng kanyang father sa Canada si Mr. Tulfo. Pinanonood nila ang programa nitong “Raffy Tulfo In Action” araw-araw sa Canada at humahanga sila sa malaking puso nito na maraming kababayan ang natutulungan.
VONGGANG CHIKA!
ni Peter Ledesma
