HATAW! D'yaryo ng Bayan hatawtabloid.com
Pare-parehong excited si Direk Reyno Oposa at kanyang associate directors na sina Buboy Pioquinto at Direk Jessamine Rhae Maranan sa kanilang independent film offering na “SILAB” na pinagbibidahan ng mga baguhang actors na sina JV Cain at sexy actress na si Mia Aquino na naturingang newcomers pero parehong mahuhusay umarte.
Masyadong maselan ang tema ng movie na “incest” na sa hindi sinadyang pagkakataon o sitwasyon ay nagkatikiman ang mag-amang Ramil (JV) at Sir Lucio na ginagampanan ng stage actor na si Bobby Tamayo. Excited si Direk Reyno at co-directors at buong production dahil nakatakdang ilaban sa isang international film festival sa Canada ang Silab.
Napanood namin ang pelikula at para sa amin ay malaki ang chance nito na maisama hindi lang sa Toronto Film Festival kundi sa malalaking festival sa iba’t ibang bansa. Napapanahon kasi ang istorya ng Silab at nangyayari talaga ito sa totoong buhay.
Parte rin ng cast sina Lance Valderama, Nina Barri, PETA actress Celia Castillo, at Urduja Best Actress Elizabeth Luntayao.
VONGGANG CHIKA!
ni Peter Ledesma
