HATAW! D'yaryo ng Bayan hatawtabloid.com
PARA kay Rosanna Roces, isa siya sa mapalad na artista na nakasama sa maraming proyekto ang icon ng movie industry na si Anita Linda na namayapa nitong June 10 sa kanilang tahanan sa Parañaque City.
Ayon kay Osang, mas tumaas ang kanyang respeto at paghanga kay Tita Alice (tawag ng actress kay Tita Anita) nang una silang magsama sa pinagbidahan na 2010 Indie drama film na Presa.
Inilahok ang Presa sa MMFF na ang character ni Tita Anita ay dating artista na nasangkot sa pagbebenta ng droga at nakulong. Samantala, si Osang naman ang kanyang protektor sa Bilibid.
Kuwento ni Rosanna, bukod sa napakapropesyonal na arista ay kayang-kaya pang magmemorya ng linya ng oldest working actress (Tita Anita) bukod pa sa mahusay makisama at laging nakangiti sa casts at director ng movie na si Adolf Alix, Jr., kapwa naging close in real life kina Osang at Tita Anita.
Yes, ninong sa kasal nina Osang at partner na si Blessy Arias si Direk Adolf.
Bukod sa maraming nakamit na awards kabilang ang Best Picture ng Presa, silang dalawa ni Ms. Linda (Best Actress) at Best Supporting Actress (Osang)
ang nagkamit ng major awards sa Urian Awards.
Nasundan ang pagsasama ng dalawa sa mga pelikulang Isda (Fable of the Fish) na idinirek din ni Adolf, tungkol sa babaeng nanganak ng isda, na
ginampanan ni Cherry Pie Picache.
Sa movie, kinombinsi ng namayapang veteran actress si Osang na mag-produce ng pelikula na agad naman daw niyang sinunod.
Yes, si Osang ang producer ng advocacy film noong 2013 na “Guro” under her Stral Production gamit ang totoong name na Jennifer Cruz Adriano. Bigatin at de-kalibre ang kanyang mga artista rito tulad nina Tita Anita, Daria Ramirez, Marita Zobel, Bembol Roco, Ina Feleo, at Tessie Tomas.
Siya si Teacher Aning sa pelikula na bukod sa pagiging guro ay mapagmahal at may malasakit sa kanyang mga estudyante.
Naipalabas ang Guro sa eskuwelahan pero sa mga sinehan ay hindi pa. Si Neal Tan na kaibigan rin
Osang ang director ng pinagbidahan at produced na movie.
Nakasama ni Rosanna si Tita Anita sa mga pelikulang Padre de Familia na pinagbidahan nina Nora Aunor at Coco Martin; Manila, Mater Dolorosa, Madilim ang Gabi, at Circa na huling movie ng beteranang aktres.
Buong pusong nakikiramay si Osang, sa naiwang pamilya ni Tita Anita Linda na Alice Buenaflor Lake in real life.
VONGGANG CHIKA!
ni Peter Ledesma
