HATAW! D'yaryo ng Bayan hatawtabloid.com
AGAD binawian ng buhay ang isang pasyenteng positibo sa COVID-19 matapos tumalon mula sa bintana sa ikatlong palapag ng Vicente Sotto Memorial Medical Center (VSMMC) sa lungsod ng Cebu, 8:20 am kahapon, Martes, 9 Hunyo.
Walang pang detalyeng inilalabas ang mga awtoridad bukod sa ang pasyente ay isang 48-anyos lalaking nauna nang dinala sa VSMMC matapos magpositibo sa coronavirus disease (COVID-19.)
Ayon kay P/Maj. Elisandro Quijano, hepe ng Abellana Police Station, agad nagresponde ang kanilang mga imbestigador sa lugar ng insidente ngunit pinigilan sila ng pamunuan ng VSMMC na pumasok sa bisinidad dahil pasyente ng COVID-19 ang biktima.
Dagdag ni Quijano, agad sumailalim sa cremation ang labi ng biktima.
Patuloy na iniimbestigahan ng pamunuan ng VSMMC ang insidente upang matukoy ang dahilan ng kaniyang pagpapatiwakal.
