Pekeng socmed accounts ikinabahala ng Palasyo

NAKABABAHALA ang paglobo ng bilang ng pekeng Facebook accounts nitong mga nakaraang araw kaya tiniyak ng Palasyo na iniimbestigahan ang insidente ng mga awtoridad.

 

Ayon kay Communications Secretary Martin Andanar , dapat maging mapagbantay ang publiko laban sa mga pekeng FB accounts.

 

“The recent spate of fake Facebook accounts is alarming and disturbing especially since these fake accounts have, without any regard, used the names of a multitude of people,” ani Andanar sa kalatas na ipinadala sa media.

 

Nagdudulot aniya ito nang pagkalito at hindi pagkakaunawaan sa publiko at paglabag sa security at privacy ng mga ginamit ang pangalan sa pekeng accounts.

 

Giit niya, ang National Bureau of Investigation, Philippine National Police-Cybercrime Division ay inatasan na busisiin ang paglaganap ng fake Facebook accounts .

 

Nagsagawa na rin aniya ng koordinasyon ang National Privacy Commission sa Facebook upang mag-imbestiga at magbahagi ng kanilang natuklasan sa ahensiya.

 

“We ask the public to do their part and be conscientious and vigilant. Please report fake accounts and do not fall prey to unsubstantiated posts from unverified accounts,” wika ni Andanar. (ROSE NOVENARIO)