HATAW! D'yaryo ng Bayan hatawtabloid.com
SA ACTOR’S CUE sa Extend The Love page hosted by Direk Adolf Alix, Jr., ay maraming kuwento si Joshua Garcia tungkol sa kanyang career lalo na noong nag-uumpisa pa lang siya sa showbiz.
At dahil kasama niya si Daniel Padilla sa panel ay pinasalamatan ni Joshua si DJ dahil marami raw siyang natutuhan. May proyekto silang pinagsamahan ni
Daniel na Barcelona, na introducing ang young Kapamilya actor. Aminado si Joshua, na may
shock factor sa kanya na sa paglabas niya ng Bahay ni Kuya ay isasalang na agad siya sa isang proyekto, as in wala pa raw kasi siyang ideya o alam pagdating sa acting. Ang siste lagi raw siyang nasisigawan ng director at umaabot pa siya ng take 20 sa isang eksena.
Para mapagbuti ang kanyang craft, ay nag-acting workshop siya kaya natuto na rin at nakamit ang kauna-unang Best actor trophy sa MMFF 2016 para sa pelikulang “Vince and Kath and James” kasama ang former GF na si Julia Barretto at si Ronnie Alonte.
Then nagkasunod-sunod na ang proyekto ni Joshua sa ABS-CBN at Star Cinema at kinikilala rin bilang isang mahusay na actor sa bagong henerasyon gaya ng idolo niyang si John Lloyd Cruz. Maayos na rin ang buhay niya at nabigyan ng bahay ang kanyang pamilya.
VONGGANG CHIKA!
ni Peter Ledesma
