PANDE LEE MIN HO, sagot ni Ai Ai sa mga kuyog na basher

KINUYOG si Ai Ai de las Alas ng fans ng K-drama actor na si Lee Min Ho. Fan din si Ai Ai ng Korean actor pero hindi niya nagustuhan ang series nitong The King.

 

Bahagi ng post ni Ai sa Instagram, “Sorry idol kita magaling ka pa rin actor pero yung flow ng story waley talaga.”

 

Kaliwa’t kanang banat ng fans ni Lee ang natanggap ng Comedy Queen kaya hayun, trending ang hashtag na #Ai Ai sa Twitter nitong nakaraang mga araw.

 

Pero hindi nagpatinag si Ai Ai. Nagpaka-positive siya sa mga negative na bira sa kanya, huh! Ang resulta?

 

Gumawa siya ng tinapay na pinangalanan niyang PANDE LEE MIN HO! Ipinangalandakan ito ni Ai sa kanyang IG.

 

May ube rin ito pero korteng letrang L for Lee. Bahagi ng caption niya, “Soon gagawa pa ako ng UBE PANE LEE MIN LOAF!”

 

Sa bashing na tinanggap ng Comedy Queen, “When life gives you leamons…make lemonade…”

 

Sa totoo lang, nahasa ang baking skills ni Ai Ai ngayong lockdown at bentang-benta ang gawa niyang ube cheese pandesal, huh!

 

I-FLEX
ni Jun Nardo