HATAW! D'yaryo ng Bayan hatawtabloid.com
KAHAPON ang eksaktong kaarawan ng ating nag-iisang superstar na si Nora Aunor. At dahil nasa moderate enhanced community quarantine (MECQ) pa rin ang NCR ay naging simple lang ang selebrasyon ng birthday ni Ate Guy.
Sinorpresa siya ni John Rendez ng special birthday cake. At sila ni John kasama ng kanilang mga kasambahay ang nagsalo-salo sa handa ng superstar.
Kita sa uploaded video ni John sa kanyang social media account (John Porter) ang simpleng pambahay na ayos ni Ate Guy, siguro ang feeling niya ay wala naman siyang handa kaya nagpahinga na lang siya.
E, puwede bang kalimutan ni John at ng mga nagmamahal sa kanya ang espesyal na araw.
Bumaha rin ng kaliwa’t kanang pagbati ng hapy birthday kay Ate Guy sa social media mula sa fans and supporters sa buong bansa.
Yes, active na active pa rin ang Noranians ni Ate Guy na patuloy na nagmamahal sa kanya tulad ni Felix Diaz at Rodel Ocampo, na aming kasamahan naman sa Entertainment media.
From all of us here in HATAW, ang aming masayang pagbati sa The Grand Dame of Philippine Cinema na si Ms. Nora Aunor.
VONGGANG CHIKA!
ni Peter Ledesma
