HATAW! D'yaryo ng Bayan hatawtabloid.com
Hindi inaasahan ng beauty titlist at newcomer actress na si Ms. Faye Tangonan na magkakaroon siya ng international award sa horror movie nilang Tutop na pinagbibidahan nila ni Ron Macapagal at mentor na si Direk Romm Burlat.
Napanood namin ang teaser ng follow-up movie ni Faye at nagalingan kami sa kanyang performance rito at very challenging ‘yung role niya sa film na napansin sa Oniros Film Awards 2020 sa bansang Italya.
Sa rami ng sumali mula sa iba’t ibang bansa na umabot sa 56 finalists ay napabilang sa 6 finalists ang Tutop na si Ms. Faye ang nakasungkit ng Best Supporting Actress at matindi ang mga nakalabang foreign actresses ng Miss Universe International
2018-2019.
“I’m so overwhelmed, actually I feel so lucky. I keep asking my director and producer Romm (Burlat) na why me? I feel so blessed at napansin agad ‘yung acting and I want do dedicate my award to my family, and to all my co-stars in Tutop especially to Direk Romm, na mentor ko,” say pa ni Faye.
Ano naman ang masasabi ni Direk Romm sa nasabing alaga? “Kahit baguhan si Faye, she
gave her all for the project. She always ask me on acting tips and how to improve her craft. She
listens and learns. She deserves her award,” sambit ng aktor/direktor.
Bukod kay Ms. Faye at sa kanyang Best Supporting Actress ay naging nominado rin sa Oniros ang Bidaman na si Ron Macapagal, Direk Romm Best Actor at Best Director para sa director ng Tutop na si Marvin Gabos. Hinirang din ang Tutop na “Best Horror Film” at nominated rin sa 8 Best Feature Films.
VONGGANG CHIKA!
ni Peter Ledesma
