Kasalang Carla Abellana at Tom Rodriguez ‘di muna matutuloy (Dahil sa COVID-19 pandemic)

SA PANAYAM ni Morly Alinio at Gorgy Rula kay Tom Rodriguez sa panggabing programa ng dalawa sa

DZRH TV, tinanong nila si Tom kung tuloy ba ang napapabalitang pagpapakasal nila ni Carla Abellana this year?

 

Ayon sa Kapuso hunk actor, malabo raw na magpakasal sila ni Carla ngayong taon na hindi normal ang sitwasyon dahil sa COVID-19 pandemic. Pero ayos lang naman daw sila ni Carla na araw-araw ay kasama niya at nagkaroon pa ng repeat ‘yung make-up challenge niya para sa nobya na siya ang gagawa ng make-up nito na maganda naman daw ang naging comment ng netizens.

 

Pero aminado si Tom, na mas madaling gumawa ng painting kaysa maging make-up artist.

 

Samantala, naitanong rin sa show kung may ginagawa bang charity project si Tom, para makatulong sa frontliners o sa mahihirap na kababayan na higit na nangangailangan ng mga ayuda.

 

Meron daw at magkasama sila ni Carla dito at ng ilang kapwa Kapuso stars. Nakapag-distribute na rin daw sila ng relief goods at pagkain para sa magigiting nating frontliners.

 

VONGGANG CHIKA!
ni Peter Ledesma