HATAW! D'yaryo ng Bayan hatawtabloid.com
ISA ang inyong columnist sa nakapanood ng FB Live ni Sharon Cuneta last Friday.
Bukod sa marami siyang kuwento tungkol sa enhanced community quarantine (ECQ), tumanggap siya ng mga tanong mula sa kanyang Sharonians all over the world.
Dinagsa ng viewers ang megastar at ilan sa
sinagot niya ay tungkol sa mga concert niya abroad this May, particular in Canda na due of COVID-19 ay postponed na at itutuloy na lang daw kapag maayos na ang sitwasyon.
Ipinaalam rin niya sa lahat na hindi na matutuloy ‘yung supposedly movie nila ni Robin Padilla sa Viva dahil masyado raw sexy ang pelikula kaya nagpapahanap siya ng script na aakma sa kanilang team-up ni Binoe.
Nang maitanong kay mega and daughter nila ni Senator Kiko Pangilinan na si Frankie, nagpasalamat si Shawie at bago pa kumalat ang COVID-19 sa bansang Amerika.
Napauwi na nila noong March 14 si Frankie sa Filipinas. Ang daughter ni Mega ang nagkuwento sa kanila ni Kiko hinggil sa 21 residente ng Barangay San Roque na inaresto at ikinulong dahil lumabag sa “Bayanihan Act.”
Si Frankie at si Senator Kiko ang tumulong para makapagpiyansa ang mga inarestong taga-San Roque. Hindi biro ang halagang pinakawalan ng mag-asawa at ng anak nila dahil P15,000 ang piyansa sa bawat tao.
VONGGANG CHIKA!
ni Peter Ledesma
