HATAW! D'yaryo ng Bayan hatawtabloid.com
NAUNANG inilabas ng manager ni Paulo Avelino na si Leo Dominguez na kasama ang aktor sa pelikulang Darna ni Jane de Leon.
Nagtanong kami sa taga-Star Cinema tungkol dito pero hindi kami binalikan hanggang sa natanong mismo ng direktor ng pelikula na si Jerrold Tarog sa live session sa Cinema 76’s sa Facebook page niya kamakailan at kinompirmang kasama nga si Paulo.
Aniya, “Lumabas na iyong si Paulo ay kasama sa cast, totoo iyon.”
Nabanggit din ni direk Jerrold na sina Jane at Paulo lang ang puwede niyang banggitin dahil pumirma sila ng NDA o non-disclosure agreement.
“Iyan iyong naka-NDA. Alam ko may plan iyong marketing for announcing the cast, so ayoko muna silang unahan. Marami pang actors na kasama. Hintayin na lang natin iyong marketing, kasi baka masira ko iyong plano nila!”
At dahil sa lockdown ay pansamantalang nahinto lahat ng tapings/shootings ng lahat ng production kasama na ang Darna na ayon kay direk Tarog ay naka-16 days na sila.
Kuwento ni direk Jerrold, “Sayang, kasi before nag-quarantine, we were already about to shoot one of the biggest action scenes doon sa pelikula. May fight scene na sana kaming isu-shoot noong end of March.”
Samantala, nagkuwento ang direktor na kuntento siya sa performance ng bagong Darna ngayon na si Jane.
“Base roon sa mga na-edit na namin na rough cut, I’m really happy with how it’s going so far. Jane de Leon is doing really, really good.
“Nae-excite ako for Jane. Gusto ko matapos iyong pelikula para makita ng mga tao iyong trabaho niya.”
FACT SHEET
ni Reggee Bonoanv
