HATAW! D'yaryo ng Bayan hatawtabloid.com
NAGKAISA ang Regal Entertainment, Viva Films, Reality Entertainment, Star Cinema at iba pang film producers na tigil-shooting muna ng mga pelikulang ginagawa.
Pahinga rin muna ang network war sa Channels 2 at 7.
Ang health at safety ng manggagawa ang pangunahing layunin ng film producers at network executives dahil sa lumalaganap na Corona virus.
May magandang epekto pero may masama rin lalo na sa tinatawag na project employees na kung walang project eh walang kita, huh!
Isang malaking movie nga sana ang papatapos na dahil two days na lang ang natitirang shooting. Big scenes ang naiwang kukunan at ‘yung mga mamahaling equipment na gagamitin eh naikasa na.
Eh kanselado ang shoot. Napakiusapan ang may-ari ng mamahaling gamit na huwag munang bayaran ang rental nito hanggang hindi pa nagiging normal ang lahat!
Sa nangyayaring ito, protektado nga ang kalusugan ng tao, paano naman ang pang-araw-araw nilang pangangailangan at ng umaasa sa kanila?
Ang magagawa na lang ng lahat eh, magdasal, sumunod, at kumapit sa Diyos para mapagtagumpayan ng pamahalaan ang kautusan nilang ito!
Narito ang kabuuang statement ng Regal at Viva ukol sa tigil shooting.
Statement ng Regal: ”On behalf of Regal, sadly, we need to postpone all scheduled shootings from March 15 until situation permits or until community quarantine ends or gets lifted. Stay safe everyone.”
Statement ng Viva: ”Viva has temporarily suspended production of its various movie, television and special projects effective March 13, 2020.
This is in line with the declaration of a community quarantine.
We recognize the severity of the effects of Covid-19 and that the safety and health of our industry’s workers, their families and the public should be of primary concern.
Stay safe and blessed everyone.”
I-FLEX
ni Jun Nardo
