HATAW! D'yaryo ng Bayan hatawtabloid.com
Ready na sanang kantahan ng magkapatid na Kervin at Kenneth ng Sawyer Brothers ang kanilang fans sa naka-schedule nilang radio guesting nitong March 15 sa DZRH Tambayan Sessions na napapakinggan at napapanood every Sunday sa DZRH TV.
Full coverage kasi ang DZRH sa kaganapan sa patuloy na pagkalat ng COVID-19 pandemic kaya kinansela ang lahat ng kanilang entertainment shows. Matutuloy naman daw ito kapag maayos na ang sitwasyon kaya huwag raw mag-aalala ang kanilang mga tagahanga ayon kay Kervin.
Marami pala ang nagagandahan sa version ni Kervin ng kantang “Pagsubok” na unang pinasikat ng Orient Pearl. Akma ito sa panahon ngayon ng crisis na nagpa-panic ang mga Pinoy dahil sa sunod-sunod na kaso ng coronavirus sa bansa.
Tagos sa puso ang pagkakaawit ng nasabing singer at makare-relate ang lahat sa lyrics ng nasabing kanta. Pino-promote pa rin ng Sawyer Brothers ang mga song nilang 45(Kwarenta Singko) at ang Ghosting.
Patuloy na nagpapasalamat sina Kervin at Kenneth sa walang sawang suporta at pagmamahal sa kanila ni Dovie San Andres na sincere ang pagtulong sa kanilang singing career.
VONGGANG CHIKA!
ni Peter Ledesma
