Mang Kepweng ni Vhong, tiyak na papasok sa summer MMFF

MALALAMAN sa Marso 2, 2020 sa announcement ng Metro Manila Development Authority (MMDA) kung pasok sa Magic 8 ang pelikulang Mang Kepweng:  Ang Lihim ng Itim na Bandana na produce ng Cineko Productions na idinirehe ni Topel Lee.

Ang 2020 SMMFF ay magsisimula sa Abril 11 – 21 na timing dahil walang pasok ang mga estudyante na sakto ang pelikula ni Vhong Navarro dahil pambata ito at may bago na naman siyang journey.

Ang Mang Kepweng Returns ay ibinalik ng Cineko Productions noong 2017 mula sa pinasikat na MK series ni Chiquito, 30 years ago at ito ay binigyang buhay ni Vhong na pumatok sa takilya.

Pagkalipas ng tatlong taon ay may bagong kuwento si Mang Kepweng na tiyak na magugustuhan ng mga nakasubaybay kung ano ang lihim ng itim na bandana ni Vhong.

Ngayong araw, Biyernes nakatakdang rebyuhin ng MMDA jurors ang nasabing pelikula.

FACT SHEET
ni Reggee Bonoan