HATAW! D'yaryo ng Bayan hatawtabloid.com
INAMIN ni Matteo Guidicell kay TV Patrol correspondent, MJ Felipe na may church wedding pang magaganap sa kanila ng asawang si Sarah Geronimo-Guidicelli pagkatapos ng Christian wedding nila noong Pebrero 20, Huwebes.
Ayon sa aktor, “Of course, one day when everything’s settles down.”
“Secret” naman ang sagot ng mister ni Sarah kung sa Marso o Hunyo ito magaganap.
Hindi pa rin nagha-honeymoon sina Mr and Mrs. Guidicelli dahil, “busy pa sa work,” saad nito.
Nagpasalamat si Matteo sa mga taong nagpapadala sa kanila ng pagbati, ”to the people out there giving good vibes, we are all good. This is the happiest we’ve ever been. Thank you. We love you.”
Ipinakita rin ng aktor ang suot niyang wedding ring.
Tuloy na kuwento pa ni Matteo, ”I just got married. It’s our sixth day together. This is my first event kumbaga and these are the best days of my life. The best times. We are blessed, somebody beside me all the time so everything is better.
“It’s the blessing of my life, of our lives. We are very happy. We are very thankful to the public, those in social media, for all the good wishes and all the congratulatory notes. Thank you from the bottom of our hearts. It means a lot.”
Halatang marami pang gustong itanong si MJ kay Matteo pero kaagad nang nagpasalamat sabay paalam na ng huli.
Habang isinusulat namin ito ay wala pa ring pahayag ang ina ni Sarah na si Mommy Divine hingil sa isyu.
FACT SHEET
ni Reggee Bonoan
