HATAW! D'yaryo ng Bayan hatawtabloid.com
SIGURADONG paghihinayangan ni Erich Gonzales,ang pagtanggi niya sa character ni Dana na gagampanan sana niya sa Love Thy Woman na mapapanood na simula ngayong 10 Pebrero (Lunes) sa ABS-CBN Kapamilya Gold bago mag-Sandugo.
Lalo na kapag napanood ni Erich ang portrayal ni Yam Concepcion na pumalit sa kanyang role. For us, perfect o fitted talaga for Yam na siya ang gumanap na anak ng bilyonaryong Chinese businessman na si Adam Wong (Christoper de Leon ) at Lucy (Eula Valdez).
In fairness, hindi black ang character ng actress na biktima ng situwasyon sa pagkahumaling niya sa mister na si David (Xian Lim).
Bida-contravida siya rito na mabait sa una, pero sa huli ay tulad ng kanyang mother na si Lucy ay aapihin ang half sister na si Jia (Kim Chiu) dahil sa maling akala na inahas si David sa kanya.
Intense na intense ang acting ni Yam sa bawat eksena at kaabang-abang ang magiging banggaan nila ni Kim sa bago nilang teleserye sa Dreamscape Entertainment.
Sa special screening ng Love Thy Woman, nakatanggap ang buong cast ng matinding palakpakan, ibig sabihin ay napakaganda ng obrang ito ng Dreamscape na idinirek ng tatlo sa mahuhusay na Kapamilya directors na sina Jeffrey Jeturian, Jerry Lopez Sineneng at Andoy Ranay.
VONGGANG CHIKA!
ni Peter Ledesma
