IPINAKIKITA nina Bureau of Customs - Customs Intelligence Investigation Services (BoC-CIIS ) Director Neil Estrella, Manila International Container Port (BoC-MICP) District Collector Atty. Vincent Maronilla, at CIIS-MICP Intelligence Officer Teodoro Sagaral, ang P4.2 milyon halaga ng smuggled onions na nasabat sa Manila International Container Port. (BONG SON)

Marcos tutol sa pag-angkat ng pulang sibuyas

Cynthia Martin January 7, 2020 News

TUTOL si Senator Imee Marcos sa plano ng Department of Agriculture (DA) na mag-angkat ng mga pulang sibuyas dahil sa kakapusan ng supply nito sa bansa.

Nangangamba si Marcos na kapag bumaha ang imported red onion sa merkado ay maapektohan ang mga lokal na nagtatanim ng pangunahing sangkap na panggisa.

Aniya, sa Marso ay magsisimula nang anihin ang mga lokal na pulang sibuyas.

Sinabi ng senadora, maaaring hindi maibenta ang mga lokal na pulang sibuyas dahil sa mga mga inangkat na red onion.

Dagdag niya baka matulad ito sa ginawang pag-angkat ng imported rice noong nakaraang taon na hindi naman halos nagpababa ng presyo ng bigas sa bansa.

Nitong nagdaan Kapaskuhan pumalo sa P180 hanggang P240 ang kada kilo ng pulang sibuyas dahil kapos ang supply. (CYNTHIA MARTIN)