HATAW! D'yaryo ng Bayan hatawtabloid.com
DALAWANG lalaki ang nagpasyang kitilin ang sariling buhay sa pamamagitan ng pag-inom ng silver cleaner at pagbibigti sa magkahiwalay na lugar sa Malabon City.
Sa ulat ni P/SSgt. Richard Andrew Calaycay kay Malabon Police chief, P/Col. Jessie Tamayao, dakong 9:20 pm, ginigising ng kanyang ina ang biktima na si Jayson Miclat, 33 anyos, helper, sa loob ng kanilang bahay sa Camus Ext., Brgy Ibaba ngunit hindi na tumutugon.
Nang makita sa kanyang tabi ang bote ng isang silver cleaner ay agad isinugod ang biktima ng kanyang mga kaanak sa Ospital ng Malabon (OsMa) ngunit idineklarang dead-on-arrival.
Nauna rito, nagkaroon ng hindi pagkakaunawaan ang biktima at kanyang live-in partner na si Mary Ann Ferrer, 30 anyos, tungkol sa kanilang paghihiwalay na naging dahilan upang magbanta si Miclat ng salitang
“Subukan mong umalis magpapakamatay ako!”
Lumabas ng bahay si Ferrer para bumili ng sigarilyo ngunit pagbalik niya ay patay na ang biktima na inakala niyang natutulog lamang.
Samantala, dakong 7:10 pm nang unang madiskubre ng kanyang kapwa tenant na si Leonie Sartalan, 35, ang bangkay ng biktimang si Jev Baton, 29 anyos, factory worker, habang nakabigti ng nylon cord sa loob ng banyo sa Custodio St., Brgy. Santulan.
Ayon kina police investigators P/MSgt. Julius Mabasa at P/SSgt. Ernie Baroy, inaalam pa ang tunay na motibo sa nasabing insidente.
(ROMMEL SALES)
