HATAW! D'yaryo ng Bayan hatawtabloid.com
HINDI sasablay sa 101 percent, agree kami sa sinabi ni Coco Martin sa mediacon ng kanyang pelikulang 3Pol Trobol: Huli Ka Balbon kasama sina Jennylyn Mercado at AiAi dela Alas na maganda ang kanilang materyal.
Kasama siya sa editing kaya alam ni Coco na maganda ang entry nila ngayong taon sa festival.
Yes trailer pa lang ng 3Pol Trobol, na very-very entertaining ay maeengganyo ka nang lumabas ng bahay sa December 25 para panoorin ito sa sinehan.
Saka infairness, para sa ikakaganda ng kanilang movie ay todo-effort talaga rito si Coco at kinarir niya ang kanyang character na Paloma na iba’t ibang outfit, make-up at hairstyle.
Sa isang eksena ay nagpakita pa siya ng kanyang butt na biro ng actor, ito ang panonoorin ng kanyang fans and supporters.
Swak din ang first team-up nila ni Jennylyn Mercado sa big screen at ang ganda at husay ng actress sa kanyang papel. Siyempre given na ang galing ni Ms. Ai na ibang atake naman ng pagpapatawa ang ginawa dito.
Basta magmula umpisa hanggang ending ay hindi kayo mababagot sa 3Pol Trobol dahil lahat ng gusto ninyong mapanood ay dito ninyo makikita sa nasabing action-comedy movie.
VONGGANG CHIKA!
ni Peter Ledesma
