‘Harassment’ hindi type ni Digong — Bong Go

“HARASSMENT is not his cup of tea.”

Ito ang pahayag ni Senador Christopher “Bong”  Go patungkol kay Pangu­long Rodrigo Duter­te kaugnay sa sinasabi ng ilang US Senators na political harassment ang ginagawa ng administrasyong Duterte kay Senator Leila De Lima.

Binigyang diin ni Go, bago manghimasok ang  senador ng ilang bansa sa mga nangyayari sa Filipinas ay dapat muna nilang masi­guro kung may kasalanan o wala ang isang akusado para tawagin nila itong political harassment.

Binigyang diin ni Go, may kinakaharap na kasong may kinalaman sa illegal drugs si De Lima at hindi ito pinakikialaman ni Pangulong  Duterte.

Iginiit ni Go na matanda na si Pangulong  Duterte at wala na siya ibang gusto kundi ang magserbisyo sa tao dahil kapakanan ng taong bayan ang pinaka­mahalaga sa lahat at pag­katapos ng kanyang termino ay uuwi siya sa Davao City.

(CYNTHIA MARTIN)