HATAW! D'yaryo ng Bayan hatawtabloid.com
Sobrang ganda ng takbo ng career ni Sylvia Sanchez, at lahat na yata ng suwerte ay nasalo ng mahusay na actress dahil hindi lang ang showbiz career nito ang matagumpay kundi ang kanyang personal life, na may masaya siyang pamilya at dalawang artistang anak na sina Arjo Atayde at Ria Atayde na parehong gumagawa ng pangalan.
May negosyo rin si Ibyang (tawag ng marami sa actress) at dalawa na ang kanyang Beautederm Store na nasa Butuan at Roces Ave., Quezon City kasosyo ang daughter na si Ria. Ratsada rin sa mataas na ratings araw-araw ang teleserye ni Sylvia na “Pamilya Ko.”
Ang latest, aside sa dating namamahala sa kanyang career ay pumirma ang actress sa ALV Talent Circuit ni Arnold Vegafria at parte na siya ngayon ng ALV family.
Sa kanyang FB post, ibinahagi ni Sylvia ang kanyang naramdaman na parte na siya ng ALV.
“So happy to announce that I am now part of the ALV family. Blessed to be surrounded by people who want to not only see me but help me grow in all aspects.
So grateful for the blessing of having ALV as an additional manager alongside Powerhouse – Anna Goma. I’m excited to see where we’ll go together @alvtalents. Thank you for trusting me and adding me to your roster of talents. #blessing #thankuLORD
Happy evening,” sey ni Sylvia sa kanyang post, na papasukin na ang pagpo-produce ng pelikula next year.
VONGGANG CHIKA!
ni Peter Ledesma
