HATAW! D'yaryo ng Bayan hatawtabloid.com
RUMAMPA si Bela Padilla sa red carpet ng ika-32 prestihiyong Tokyo International Film Festival kasama ang director na si Paul Soriano para i-represent ang pelikula nilang “Mañanita” noong 28 Oktubre, 2019.
Ang “Mañanita” na kabilang sa walong Filipino films na tampok sa Festival ay produced ng Ten17P at VIVA Films at isinulat ng award-winning filmmaker na si Lav Diaz.
Ang drama-suspense film ay binigyan ng Graded A ng Cinema Evaluation Board (CEB). Unang lumahok si Bela sa Tokyo Film Fest noong 2016 para sa “I America” na idinirek ni Ivan Andrew Payawal, na nag-compete sa Asian Future category. “The red carpet event last night was different than the first time. I was nervous, but at the same time, super calm. Maybe because we’re here already at terms I didn’t expect at all,” ani Bela Padilla.
Dagdag niya, “I didn’t know we were part of the main competition until our press con a few weeks ago, and that in itself is already a huge blessing for me. There are so many interesting films this year, and I’m just happy to be here.”
Samantala, binanggit ni director Paul na pangalawang beses na rin niyang sumali sa Tokyo Film Fest. Una siyang nag-participate sa nasabing festival para sa kanyang pelikulang “Kid Kulafu” na nagkaroon ng Japanese premiere sa ilalim ng CrossCut Asia Section noong 2015.
Para sa Tokyo Film Fest ngayong taon, ibinahagi niya, “We had a really successful world premiere and a great Q and A right after the screening. The audience really embraced the film and really got what I was trying to say.” Aniya, “I was also told that out of over a thousand submissions, they included ‘Mañanita’ in the 14 competition films, so it’s just truly an honor. We’re really excited and honored to represent the Philippines here in Tokyo.”
Iikot ang “Mañanita” sa isang female sniper na nawalan ng trabaho at gabi-gabing naglasing sa isang bar — hanggang nakatanggap siya ng isang phone call na babago sa buhay niya. Nagkaroon ng world premiere ang “Mañanita” noong 29 Oktubre 2019 sa EX Theater Roponggi.
Ipapalabas sa bansa ang pelikula sa darating na 4 Disyembre 2019.
Ang ika-32 Tokyo International Film Festival ay tatakbo simula 28 Oktubre hanggang 5 Nobyembre 2019.
VONGGANG CHIKA!
ni Peter Ledesma
