Go humiling ng incentives para sa barangay kay Digong

KINOMPIRMA ni Sena­tor Christopher “Bong” Go na hiniling niya kay Pangulong Rodrigo Duterte na mabigyan ng incentives ngayong Pasko ang barangay officials.

Ayon kay Go, batid niyang nasa committee level pa lang ang kan­yang isinusulong na panukalang batas na pag­kakaroon ng buwa­nang suweldo ng mga barangay officials gaya ng regular employees sa mga tanggapan ng go­byerno.

Sinabi ni Go, dahil hindi na makaaabot ang panukala niyang suweldo sa mga opisyal ng  bara­ngay ay makabu­buting bigyan sila ng incentives sa Disyembre.

Paliwanag ni Go, ang barangay officials ang unang nilalapitan ng mga mamamayan kaya karapat-dapat sila sa pagkilala at tulong.

Bukod sa buwa­nang suweldo, kasama sa panu­kala ni Go na mai­bigay ang incentives sa barangay officials nang tulad ng government employees.

(CYNTHIA MARTIN)