HATAW! D'yaryo ng Bayan hatawtabloid.com
SA RECENT mediacon ng Starla na ginanap sa Matrix Creation ay dinumog ng tanong si Judy Ann Santos. Maraming press kasi ang nasabik kay Juday na hindi gumawa ng serye sa matagal na panahon, kaya pagkakataon na ng lahat na malaman ang latest sa nagbabalik na Queen of Soap Opera.
Sa kanyang bagong teleserye, bida-contravida ang character na kanyang gagampanan. Kuwento ni Juday, ito ang unang pagkakataon niyang gaganap bilang bida-kontrabida sa isang teleserye.
“I’m pretty sure may ibang maninibago, kasi iba talaga siya. And I’m pretty sure na may ma-e-excite rin kasi bago at hindi pa nila ako nakikita sa ganitong klaseng character,” tugon ni Juday sa press sa naganap na media conference ng bagong Kapamilya series nitong Sabado.
Dahil first timer na gaganap na kontrabida, aminado ang actress na kahit siya ay nanibago sa kanyang gagampanang papel.
“Kahit ako tinanong ko rin ang sarili ko, kaya ko ba ‘to? Pero masaya naman siyang gawin. Kumbaga, nare-reset ‘yung skill mo at talent mo sa pag-arte. Parang kailangan mong bigyan ng konting kabog ang sarili mo e, ano pa ba ang powede mong gawin,” paliwanag ng aktres.
At napakaswerte ni Juday at napapayag si Ma’am Charo Santos-Concio na magkaroon ng special participation sa kanyang teleserye. Ipinaliwanag rin pala ni Juday sa nasabing presscon kung bakit natagalan ang pagsasaere ng Starla.
Binusisi pa raw kasi nang husto ang istorya nito at natagalan sila sa animation na magpapa-attract sa TV viewers. Makakasama ng actress sa Starla sina Raymart Santiago, Joel Torre, Meryll Soriano, Joem Bascon, Jana Agoncillo, Enzo Pelojero bilang si Buboy at marami pang iba. Ang mga director nito ay sina Onat Diaz Darnel Joy R. Villaflor at Direk Jerome C. Pobocan.
Mapapanood ang much awaited drama TV series mula sa production ng Dreamscape Entertainment ngayong October 7 pagkatapos ng “FPJ’s Ang Probinsyano” sa ABS-CBN Primetime Bida.
VONGGANG CHIKA!
ni Peter Ledesma
