HATAW! D'yaryo ng Bayan hatawtabloid.com
NASORPRESA ang hosts ng Pambansang Almusal sa husay ni Migz Coloma ng kaniyang performance.
Yes nag-guest, two weeks ago sa nasabing morning show ng NET25 si Migz na noong araw na iyon ay nagse-celebrate pala ng kanyang birthday.
Mala K-Pop kasi si Migz sa fast tagalog carrier single niyang Kayo Na Naman Bang Dalawa na danceable ‘yung beat kaya buhay na buhay ang loob nkkg studio sa ganda ng kanyang performance.
Komento ng isa sa host, ma-build-up lang nang husto si Migz ay malayo ang mararating ng kanyang career. At kaya kainte-interes panoorin ang number ng newcomer recording artist-model ay dahil sa magaling din ang kanyang back-up dancers na girls.
Samantala, feeling heaven ngayon si Migz, dahil as of press time ay Top 1 na sa Super Tunog Pinoy, Top 15 Viewers Choice sa Monkey Radio ang kanyang Kayo Na Naman Bang Dalawa.
Malamang sa dagsa ng mga boto, ang nasabing song na ang tanghaling number 1 sa Top 15 Hit Lists ng Monkey Radio na napapanood sa internet.
VONGGANG CHIKA!
ni Peter Ledesma
