HATAW! D'yaryo ng Bayan hatawtabloid.com
QUOTA to the max daw ang isang ‘raiding team’ na sumalakay sa isang Philippine Offshore Gaming Operator (POGO) hub sa south Metro Manila na sa palagay natin ay may lisensiya mula sa Philippine Amusement and Gaming Corporation (PAGCOR).
Supposedly ay monitoring lang daw dapat ang gagawin ng ‘team’ pero nang matuklasang halos 50 porsiyento ng nagtatrabahong Chinese nationals sa nasabing POGO ay walang special working permit (SWP) bigla silang nag-transform bilang raiding team.
‘Yan ay dahil kalahati ng ‘workforce’ ng nasabing POGO ay illegal na nagtatrabaho sa bansa. Kaya normal daw na maging mas ‘mahigpit’ kasi may tendency na ‘magpulasan’ ang mga Tsekwa na walang SWPs.
Habang isa-isang binubusisi ang mga papeles ng Chinese nationals, mukhang nakapag-call a friend umano sa isang ‘padrino’ ang operator ng POGO.
Kaya medyo ‘lumamig’ daw ang sitwasyon pero nanatiling mahigpit na nakabantay ang mga miyembrong operatiba ng ‘raiding team.’
Lumuwag-luwag umano ang negosasyon nang medyo nagsasara na ang usapan ng operator at ng ‘padrino.’ Una umanong deklarasyon ng operator ay P25 milyones pero hindi nagsara ang usapan.
Sa huli, parang lastikong hinigit sa P30 milyones ang hirit kaya hayun, nagkasundo rin sila.
Ibig sabihin, hindi bababa sa kalahati ng 100 POGO workers ang pinag-uusapang walang SWPs. ‘E mantakin ninyong tapatan ng P30 milyones?!
In the end, tila mga kabayong sinalpakan ng tapa ojo ang mga mata ng raiding team kaya hayun, “back to work” ang illegal POGO workers.
Hindi kaya naramdaman ni Immigration Commissioner Jaime bukol ‘este “Bong” Morente ang malakas na hambalos ng ‘pambubukol’ sa kanyang ulo?!
Ayon sa insider na nakaaalam sa nasabing insidente, isang malaking eskandalo na naman ang nakatakdang ‘sumabog’ diyan sa Bureau of Immigration (BI).
Naku, ayaw ni Justice Secretary Menardo Guevarra nang ganyan…
Handa ka na ba Commissioner Morente? Game ka na ba? Are you in it to win it?
O baka naman just a minute or wait a minute, at tiyak na sasabog na ang bulkan?!
Abangan!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
