LGBT commission ‘niluluto’ ni Duterte

SINABI ni Senador Christopher “Bong” Go na posibleng maglabas ng executive order ang Pangulong Rodrigo Duterte na naglalayon na magtatag ng LGBT Commission habang hindi pa naipapasa ang panu­kalang Sogie bill o anti-discri­mination bill.

Sinabi ni Go, nag­pahayag ng suporta ang pangulo sa naturang panukalang batas na inaasahang maisasabatas bago matapos ang kan­yang termino.

Inamin ni Go na nagtungo nitong naka­raang Sabado sa palasyo ng Malacañang ang kontrobersiyal na trans­gender woman na si Gretchen Diez kasama ang ilang miyembro ng LGBT na hinarap ni Pangulong Duterte at nagpahayag ng suporta ang pangulo sa LGBT community.

Bukod dito, sinabi ni Go na nais rin mag­karoon ng LGBT con­vention para malaman ang pulso ng mga mi­yem­bro para sa pag­babalangkas ng panu­kalang Sogie bill na inihain sa dalawang ka­pulungan ng kongreso.

(CYNTHIA MARTIN)