San Miguel, TnT unahan sa game 5

WALANG ibang nasa kukote ng TNT KaTropa at San Miguel Beer kundi makuha ang panalo sa Game 5 upang mamuro sa pagsilo ng titulo sa PBA Commissioner’s Cup.

Tabla sa 2-2 ang best-of-seven finals sa pagitan ng KaTropa at Beermen, maghaharap sila ngayong Miyerkoles bandang  alas-7 ng gabi sa Araneta Coliseum.

Pinagulong ng San Miguel Beer ang TNT KaTropa 106-101 sa Game 4 noong Linggo matapos kumayod ni import Chris Mccullough ng 27 points at 22 rebounds para sa Beermen.

Humarurot agad ang Beermen sa first quarter, lumamang sila ng siyam na puntos, 31-22.

Pero uminit ang open­sa ng KaTropa sa second quarter, naagaw nila ang abante, 52-51 sa halftime.

Hindi naman basta bumigay ang San Miguel sa third, pinalakas nila ang kanilang opensa at depen­sa upang mabawi ang bentahe, 82-69 papa­sok ng fourth period.

Umabot sa 15 puntos ang nilamang ng Beermen subalit unti-unting huma­bol ang KaTropa sa pangu­nguna nina reinforcement Terrence Jones at locals Troy Rosario at Jayson Castro.

Subalit naging mata­tag ang San Miguel sa payoff period para maku­ha nila ang importanteng panalo.

Tumipa si Alex Ca­bag­not ng 25 markers habang nag-ambag si five-time Most Valuable Player, (MVP) June Mar Fajardo ng 22 puntos at pitong rebounds.

Namuno sa opensa para sa TNT si Jones na may 32 puntos. (ARABELA PRINCESS DAWA)