HATAW! D'yaryo ng Bayan hatawtabloid.com
ISANG bagong halal na opisyal sa Las Piñas City ang tila naghahasik daw ng ‘terorismo’ sa city hall.
Kakaiba raw ang peg ni Las Piñas official nambabato ng plato na parang ‘flying saucer.’
At daig pa raw ang galaw ng puwet ng inahing manok kapag nagpupuputak at sinasabayan pa ng sandamakmak na pagmumura.
Hindi nila maintindihan kung paanong ‘pinangarap’ ni elected official ang maglingkod sa bayan gayong sa city hall lang, e hirap na hirap siyang makipag-usap sa mga tao.
Ang bunganga umano ni elected official ay parang kanyon na laging nambabato ng bomba o kaya naman ay dragon na bumubuga ng apoy.
Arayku!
Yes korek!
Dahil sa masamang asal ni elected official, marami na ang nag-resign.
May isa pa siyang masamang bisyo, lagi siyang tamang duda…
Tamang duda na para bang nabubukulan siya dahil lahat daw ng tao ay pinaghihinalaang gumagawa ng pera.
E bakit nga ba ganyan ang asal ni Las Piñas elected official?
Feeling niya siguro siya ang may-ari ng Las Piñas?!
‘Yun lang!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
