Thursday , August 21 2025

CDO flight nabalam sa bird strike

NAPILITANG bumalik sa Ninoy Aquino Inter­national Airport (NAIA) ang Cebu Pacific Air (CEB) flight dahil sa bird strike, ilang minuto makaraang mag-take off patungong Cagayan de Oro kahapon.

Kinompirma ng isang opisyal ng airport ope­rations, ang CEB flight 5J381 na lumipad dakong 3:45 am ay bumalik sa NAIA matapos bumang­ga ang ‘di pa mabatid na mga ibon sa makina ng eroplano.

Aniya, tumawag ang piloto sa Manila Control Tower na babalik sa paliparan saka humingi ng clearance para maka­pag-landing.

Base sa report, ligtas na nakalapag ang ero­plano sa NAIA runway dakong 4:17 am.

Isa sa mga pasahero ng flight 5J381 ay si dating presidential spokes­man Harry Roque na nag-post sa kanyang Facebook account na “there was a delay in take-off, then an explosion of sorts, smell of smoke and flight now returning to Manila.”

Dagdag ni Roque, “CebuPac needs to take better care of its aircraft and its passengers. Paging Sec Art Tugade and CAAP! Riding public need your help!”

Ang mga pasahero ng flight 5J381 ay inilipat sa ibang eroplano at nakaalis dakong 6:58 am patu­ngong Cagayan de Oro.

Samantala, nagsa­gawa ng imbestigasyon ang Civil Aviation Autho­rity of the Philippines kasama ang CEB aircraft engineers upang alamin kung gaano kalaki ang naging pinsala ng ero­plano. (JSY)

Krystall Herbal Products and FGO Branches

About JSY

Check Also

Nicolas Torre III

Torre pinanindigan balasahan sa hanay ng PNP top officials

ni ALMAR DANGUILAN PINANINDIGAN ni Philippine National Police (PNP) Chief, PGen. Nicolas Torre III ang …

Jose Antonio Goitia Bongbong Marcos

Laban ni PBBM vs korupsiyon at palpak na flood control, laban din ng bawat Filipino

“SA PANAHONG dumaranas ng matitinding pagbaha at iba’t ibang uri ng kalamidad, hindi na makatuwiran …

Brian Poe Llamanzares

Online gambling tanggalin, magtuon sa ibang pinagkukunan ng buwis

BINATIKOS ni Rep. Brian Poe ng FPJ Panday Bayanihan ang maliit na ambag ng online …

Warrant of Arrest

Kelot arestado sa kasong kalaswaan

Matagumpay na naaresto ng mga tauhan ng 2nd Provincial Mobile Force Company (PMFC) katuwang ang …

Gagamba Spider

26 naaresto sa derby ng mga gagamba sa Bulacan

DALAWAMPU’T anim na katao ang naaresto sa ikinasang anti-illegal gambling operation ng mga tauhan ng …

Leave a Reply

Your email address will not be published. Required fields are marked *