Friday , April 4 2025
dead

Babae pinatay ng lalaki sa loob ng apartelle

ISANG hindi kilalang babae na hinihinalang pinaslang ng kasamang lalaki na nag-check-in sa isang apartelle ang natagpuang patay sa Caloocan City kahapon ng madaling araw.

Dakong 3:00 am nang matagpuan sa loob ng isang silid sa HSIRI Apartelle na may umaagos pang dugo sa ilong ang biktima na hinihinalang dumanas ng hirap sa kamay ng suspek.

Sa ulat na natanggap ni Caloocan Police chief P/Col. Noel Flores, dakong 12:04 am nang mag-check in ang biktima at kasamang lalaki sa apartelle na matatagpuan sa A. Mabini St., Maypajo at inokupa ang Room no. 220.

Pagkatapos ng tatlong oras, nakita ng desk personnel na si Jesica Edquilang ang paglabas ng lalaki sa silid kaya’t tinangka nitong harangin upang singilin at tanungin na rin kung nasaan ang kanyang kasamang babae pero imbes huminto ay nagtatakbo patungo sa hindi nabatid na lugar.

Agad nagpasama si Edquilang sa dalawang room boy na sina Jhonny Pombo at Reu Ben Bantilo sa inokupang silid ng dalawa at kinatok ang pintuan ngunit walang sumasagot kaya’t kinuha ang duplicate key ng silid.

Nang mabuksan ay tumambad sa kanilang ang biktima na wala nang buhay at may umaagos pang dugo sa ilong.

Nagsasagawa ng follow-up investigation ang pulisya at nirerebisa ang kuha ng CCTV ng apartelle upang kilalanin ang lalaking kasamang nag-check in ng biktima habang nakatakdang isailalim sa autopsy examination ang bangkay upang alamin ang dahilan ng kanyang kamatayan.

(ROMMEL SALES)

About Rommel Sales

Check Also

Benhur Abalos Jr

Abalos bitbit ng Liga ng mga Barangay sa Pilipinas

OPISYAL nang inendoso ng Liga ng mga Barangay sa Pilipinas (LNB) ang kandidatura ni dating …

Bulacan Police PNP

Crackdown ng Bulacan PNP laban sa krimen, walong pugante at isang tulak nasakote

SA WALANG tigil na anti-criminality operations, naaresto ng pulisya ang kabuuang siyam na indibidwal na …

PNP PRO3

Mga insidente ng krimen sa Central Luzon, bumaba ng 19.37%

INIULAT ng Police Regional Office 3 (PRO3) ang pagbaba sa mga insidente ng krimen sa …

Bulacan DOH-CLCHD IMPACT Awards

DOH-CLCHD, kinilala ang mga programa ng Bulacan para sa infectious diseases

KINILALA ng Department of Health-Central Luzon Center for Health Development (DOH-CLCHD) ang mga pagsisikap ng …

Ayuda mula sa gobyerno mahalaga pero mamamayan ‘di dapat umasa — Pamilya Ko Partylist

Ayuda mula sa gobyerno mahalaga pero mamamayan ‘di dapat umasa — Pamilya Ko Partylist

NANINIWALA si Pamilya Ko Partylist (PKP) 1st Nominee Atty. Anel Diaz na malaki ang naitutulong …

Leave a Reply

Your email address will not be published. Required fields are marked *