VK at fruit game machines minaso ni Isko at Danao

WINASAK sa pangu­nguna ni Manila Mayor Francisco “Isko Moreno” Domagoso ang mga na­kompiskang video karera at fruit game machines kahapon ng umaga, 3 Hulyo, sa Manila City hall quadrangle.

Ayon kay MPD Direc­tor P/Brig. Gen. Vicente Danao Jr., umabot sa 75 piraso ng video karera at fruit games ang nasam­sam sa isinagawang ope­rasyon sa buong magda­mag.

Partikular na minaso ni Domagoso at Danao ang mother board ng mga makina.

Ayon kay Domagoso, magsilbi itong babala sa lahat na hindi nila kino­konsinti sa lungsod ng Maynila ang ilegal na sugal.

Ginagamit aniya itong lugar para sa benta­han ng droga dahil kara­mihan ng mga nagvi-video karera ay gumaga­mit ng droga.

Nagbabala rin si Do­ma­go­so sa mga pulis na protektor ng mga ilegal na sugal kong mayron man, na tumigil na dahil kanilang sisi­yasatin at iimbes­tigahan ang mga pulis na sang­kot.

Inaasahan ng Alkal­de, sa susunod na mga araw ay mas marami pang makokompiskang mga makina dahil sa puspusang pagsuyod ng pulisya sa pangunguna ni Danao sa mga lugar na maraming ilegal na pasugalan.

(May kasamang ulat ni Brian Bilasano)