Friday , April 4 2025

Mag-ina tumilapon sa bangga ng jeepney, Baby utas ina kritikal

PATAY ang isang-buwang gulang na sanggol habang kritikal ang kala­gayan sa pagamutan ng kanyang ina matapos mabangga ng humaharurot na pampasaherong jeep habang naglalakad sa gutter ng kalsada sa Navotas City, kahapon ng umaga.

Isinugod ng nagres­pondeng JRY ambulance si Kaehll Ejija Mariano sa Navotas City Hospital na hindi na umabot nang buhay sanhi ng pinsala sa ulo at katawan.

Patuloy na inoobser­bahan sa nasabing ospital ang kanyang ina na kinilalang si Angelica Ejija, 22-anyos, residente  sa 098 Pescador St., Brgy. Bangkulasi sanhi ng grabeng sugat at bali sa iba’t ibang bahagi ng katawan.

Sa nakarating na ulat kay Navotas chief of police P/Col. Rolando Balasabas, naganap ang insidente, dakong 6:40 am sa kahabaan ng Road-10, Pescador, Brgy. Bang­kulasi.

Karga umano ng kanyang inang si Angelica ang kanyang baby ha­bang naglalakad sa gutter ng kalsada sa naturang lugar pauwi nang maha­gip ng humaharurot na pampasaherong jeep patungong C-4 Road.

Sa lakas ng pagka­kasalpok, tumilapon si Angelica at kanyang baby nang ilang metro na dagliang ikinamatay ng kanyang anak.

Kusang-loob na sumu­ko sa pulisya ang suspek na kinilalang si  Reymond Villanueva, 45-anyos, residente sa Inocencio St., Brgy. 93, Capulong, Tondo, May­nila at  driver ng pampa­saherong jeep, may plakang TVR-259.

Sinabi ni Col. Ba­lasabas, si Villanueva ay mahaharap ngayon sa kasong reckless impru­dence resulting in homi­cide at serious physical injury sa Navotas City Prosecutor’s Office.

ni ROMMEL SALES

About Rommel Sales

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

NAITAS DOT magkaakibat para sa Takbo Para Sa Turismo

NAITAS, DOT magkaakibat para sa “Takbo Para Sa Turismo”

ANG National Association of Independent Travel Agencies (NAITAS) at ang Department of Tourism (DOT) ay …

Leave a Reply

Your email address will not be published. Required fields are marked *