HATAW! D'yaryo ng Bayan hatawtabloid.com
KAHAPON pormal nang iprinoklama ng Commission on Elections (Comelec) ang Magic 12 senators na inihalal ng sambayanan nitong nakaraang 13 Mayo 2019.
Sila ang 12 senador na magtatagal hanggang sa 2025.
Siyempre pinangungunahan ‘yan ng bilyonaryong si Senadora Cynthia Villar.
Sumundo ang independent na si Senator Grace Poe.
Pangatlo si dating SAP Bong Go, sumunod ang nagbabalik na si Senator Pia Cayetano, ang bagitong si Senator Ronald “Bato” dela Rosa, reelectionist Sen. Sonny Angara, ang nagbabalik din na si ‘pinunong’ Lito Lapid, dating Ilocos Norte governor Imee Marcos, dating political adviser Francis Tolentino, reelectionist Sen. Aquilino “Koko” Pimentel at nagbabalik din na si Ramon “Bong” Revilla Jr., at reelectionist Nancy Binay.
Congratulations po sa inyong lahat.
Ngayong proklamado na kayo, malamang marami sa inyo ang magpapahinga muna lalo na ‘yung hindi na-enjoy ang summer dahil todo-kampanya.
Hindi na nakapagtataka kung ang susunod ninyong status sa social media ay nasa mga banyagang lugar na kayo.
Anyway, hinay-hinay lang po sa pagbabakasyon baka pagbalik ninyo ‘e bigla kayong ma-dislocate at ma-disorient lalo’t kumbaga sa hapag kainan, maraming pusang galang nag-aabang sa ibaba.
Kamukat-mukat ninyo e wala na kayong hawak na ‘kumita’ ‘este committee.
Again, congratulations Magic 12!
RESORT CASINO
‘BET’ NG VILLARS
HINDI pa man naipoproklama, pumutok na nitong nakaraang araw na pabor si Madam Cynthia Villar sa pagpasok ng mga investor para sa pagtatayo ng resort casino.
Pero mukhang hindi na kailangan ng mga Villar ng iba pang investors, kayang-kaya na nilang negosyohin ‘yan.
Heto lang po ang tanong natin, hindi ba’t ayaw na nga ni Pangulong Rodrigo Duterte ng casino lalo na sa Boracay?!
E bakit ngayon pumuputok na ito ang proyekto ng mga kompanya ng mga Villar?!
Kung sabagay, may kasabihan ‘di ba, what Villar wants, Villar gets.
“What are we in power for” nga naman?!
May business mogul, may cabinet member, may congressional members — both regular district and party-list, plus senator.
E matatanggihan ba sila ni Madam Didi Domingo kapag nag-request ng resort casino?!
Jackpot na jackpot!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
