PhilSA aprub

PASADO sa ikatlo at huling pagbasa sa Senado ang panukalang batas na layong buuin ang Philip­pine Space Agency (PhilSA).

Ipinanukala ni Sen. Benigno “Bam” Aquino IV, ang Senate Bill No. 1983 o ang “Act Esta­blishing the Philippine Space Development and Utilization Policy and Creating the Philippine Space Agency.”

Ayon kay Aquino, ang paglulunsad sa isang space program ay maka­pagbibigay sa mga Filipi­no ng bago at maha­halagang pananaw na posibleng makatulong sa ilan sa pinakamalalaking problema ng bansa.

Malaki aniya ang maitutulong ng satellites sa disaster management lalo sa pagbibigay ng accurate information sa prediksiyon ng sakuna at komunikasyon sa kasa­gsagan naman ng relief and recovery operations.

Iginiit ni Aquino, malaki ang maitutulong ng space agency sa agri­kultura, environment conservation and pre­servation, urban planning, transportation at com­munication networks.

Sakaling maging isa nang ganap na batas, bubuuin ang Philippine Space Development and Utilization Policy na magsisilbing strategic roadmap ng Filipinas para sa space develop­ment.

(CYNTHIA MARTIN)