Flexible time sa trabaho aprobado sa Senado

INAPROBAHAN ng Senado ang panukalang batas na layong gawing “flexible” ang araw at oras ng trabaho ng mga manggagawang Filipino.

Sa botong 17-0, ina­probahan ang bill na inihain ni Sen. Joel Villa­nueva. Isa ito sa mga panukalang batas na tinalakay ng Senado sa unang araw ng sesyon nitong Lunes matapos ang eleksiyong 13 Mayo.

Sa ilalim ng bill, puwe­de huwag sumunod ang empleyado sa sche­dule na 8-oras sa 5 araw sa isang linggo.

Maaari nang magka­roon ng “mutually agreed voluntary work arrange­ment” sa pagitan ng employer at empleyado.

Makapipili ang mang­ga­gawa ng trabaho na mahabang oras pero mas kaunting araw basta ma-meet ang kailangang oras ng trabaho sa isang linggo na kalimitan ay 40 oras.

Pinagtibay ng Senado ang 48-hour labor limit kada linggo habang dapat mapanatili ang umiiral na benepisyo kahit mabago ang work schedule.

“Compressed work­week arrangement will not only reduce cost of work transit, but will also enable employees to allocate more time for other personal and social obligations, thus further promoting work-life balance,” nakasaad sa bill ni Villanueva.

Aprobado na rin ng Kamara ang naturang bill at pirma na lang ni Pangulong Rodrigo Duter­te ang kulang para maging ganap na batas.

(CYNTHIA MARTIN)