HATAW! D'yaryo ng Bayan hatawtabloid.com
ARESTADO ang walong hinihinalang sangkot sa ilegal na droga sa magkahiwalay na buy bust operation ng mga pulis sa mga lungsod ng Malabon at Navotas.
Ayon kay Malabon police SDEU investigator P/MSgt. Jun Belbes, dakong 12:30 am nang masakote ng mga operatiba ng SDEU sa pangunguna ni P/Lt. Zoilo Arquillo sa buy bust operation si Fredie Payad, 48, at Mario Cabatingan, 42, matapos magbenta ng shabu na nagkakahalaga ng P300 sa pulis na nagpanggap na poseur buyer.
Narekober sa mga suspek ang anim pang plastic sachets ng hinihinalang shabu at buy bust money habang nadakip din si Roderick Perez, 46, matapos makompiska sa kanya ang dalawang plastic sachet ng hinihinalang shabu.
Sa Navotas City, nasakote rin sa ikinasang buy bust operation ng mga pulis si Ariel Santiago, 23, pusher, Crizardy Sarabia, 26, pusher at Jonald Bautista, 22, user, sa Market 3, Brgy. NBBN, dakong 11:15 pm.
Batay sa pinagsamang ulat nina P/Cpl. Jaycito Ferrer at P/Cpl. Eldefonso Tirio, narekober sa mga suspek ang apat na plastic sachet ng hinihinalang shabu at P300 buy bust money.
Timbog din si Roy Rodil, 21, matapos magbenta ng shabu na nagkakahalaga ng P200 kay Pat. Richard Gatan na umaktong poseur buyer sa ikinasang buy bust operation ng mga operatiba ng SDEU sa pangunguna ni P/Lt. Eric Roxas sa R-10 Road, Peskador Brgy. NBBN.
Tatlong plastic sachet ng hinihinalang shabu at buy bust money ang narekober sa suspek.
(ROMMEL SALES)
