HATAW! D'yaryo ng Bayan hatawtabloid.com
Kahit alam niyang may looks, matangkad at may talent ay hindi ganoon ka-atat si Jessa Laurel na makamit agad ang kasikatan. Basta chill and relax lang ang aming alaga na kung ano ‘yung dumating na opportunity na makatutulong for her career ay kanyang iga-grab.
Siguro dahil at her young age ay binigyan na si Jessa ng sarili niyang negosyo ng kanyang
very supportive Mom na si Madam Jovy Laurel sa Atimonan, Quezon na katabi lang ng kanilang gasoline station.
At pagdating sa negosyo niyang Nuni Creatives Agency ay mahusay dumiskarte si Jessa na madaling makakuha ng client na siguro ay namana niya sa kanyang Mommy Jovy na magaling humawak ng business.
Samantala tulad ng ilang sikat nating local singers ngayon na natuklasan sa mga Talent Search sa malalaking TV networks ay nasubukan rin ni Jessa na mag-audition pero parang hindi niya destiny ang makuha rito.
Pero hindi naman niya isinasara ang kanyang pinto sa mga ganitong oportunidad lalo’t Bronze medallist siya sa WCOPA. Goal talaga ng aming talent na may marating siya sa showbiz dahil hangad talaga niyang makatulong sa less fortunate people na hindi napapansin ng ating gobyerno.
At itong gagawing CD Lite album ni Jessa ang isa sa magiging way para makilala siya sa showbizness.
VONGGANG CHIKA!
ni Peter Ledesma
