Producer, umatras igawa ng pelikula ang sikat na aktor at aktres

NAGDALAWANG-ISIP ang producer ng pelikulang pagsasamahan sana ng sikat na aktres at aktor kasama ang baguhang aktor na may pangalan na rin sa larangan ng pelikula dahil isa siya sa busiest sa mga panahon ngayon.

Kaya nagdalawang-isip ay dahil ang sikat na aktor na leading man ng sikat na aktres ay maganda ang resulta sa box office ang mga pelikula, bukod dito ay baka mapag-iwanan siya pagdating sa pag-arte.

Samantalang ang baguhang aktor na makakasama ay nag-aalangan din ang producer kung tanggap siya bagong ka-loveteam ng sikat na aktres dahil nga baby face.

Ang ganda sana ng takbo ng kuwento na magkarelasyon ang sikat na aktor at aktres hanggang magkakagusto ang huli sa baguhang aktor at dito magsisimula ang conflict ng istorya.

Naisip din namin na parang sintunado o walang chemistry ang sikat na aktor at aktres gayundin sa baguhang aktor.

Ang ending, hindi pa natutuloy ang movie project ng tatlo dahil ang producer ay humihingi pa ng payo sa mga kasosyong producer din.

(Reggee Bonoan)