Arjo at Jessy kakikiligan sa “Stranded”

SUNOD-SUNOD na ang pagbibida ni Arjo Atayde at deserving ang actor na mabigyan ng malalaking role kasi hindi lang siya mahusay na actor kundi napaka-propesyonal pa sa kanyang trabaho.

At dito sa “Stranded” ang romantic comedy film na pinagtatambalan nila ni Jessy Mendiola sa Regal Entertainment, Inc., masaya si Arjo kasi kakaibang experience naman para sa kanya ang paggawa ng film na idinirek ni Ice Idanan mula sa script nina Easy Ferrer at Jeps Gallon.

Sa mediacon ng pelikula sa 38 Valencia Events Place ay tinanong si Arjo kung kumusta na siya at ang puso niya?

Aware na ang lahat na sila na ni Maine Mendoza.  “I’m a better version of myself now I could say. I’m more responsible, happier. Everything is so hard and I’m really inspired to work harder and not to prove anything at all. That’s not my main purpose. That’s part. Basta inspired na ako sa lahat ng bagay,” aniya.

Nang paulit-ulit na matanong about him and Maine ay nagpasintabi ang mahusay na aktor sabay sabing,

“I don’t wanna talk about it right now and I wanna pay respect to Jessy. So let’s stick to the story of the movie,” maayos na sagot ng binata.

Samantala, magpapakilig pareho sina Arjo at Jessy dito sa “Stranded” under the direction of Ice Idanan,

“Yes, it’s a different kind of love story. I’ve been wanting to do a rom-com. I wanted to do a love story na pelikula or serye and, finally, I was given the chance.

“I really waited for this kasi, sabi ko, if ever I come out in a romantic film, gusto ko kakaiba ‘yung kuwento, kuwentong hindi pa naikukuwento sa Philippine cinema, and finally it’s coming out on April 10. I’m very, very excited.

“I promise you, hindi pa ‘to napapanood ng mga Filipino,” lahad ng award-winning Kapamilya actor.

Gagampanan ni Arjo sa movie ang character ni Spencer, isang happy go lucky kind of guy na walang direksiyon ang buhay. Ngunit biglang maiiba ang kanyang disposition in life nang ‘makulong’ sila ni Julia (Jessy) sa isang building dahil sa bagyo.

At sa ilang oras nang pagsasama nila, marami silang madidiskubre sa kanilang mga sarili. Wish naman ni Jessy na sana ay mas suportahan daw ng manonood ang Stranded na showing na ngayong April 10.

Makakasama rin sa “Stranded” sina Miko Raval, Mich Liggayu, Miggy Marty, Pinky Amador, Johnny Revilla at marami pang iba.

VONGGANG CHIKA!
ni Peter Ledesma