HATAW! D'yaryo ng Bayan hatawtabloid.com
PURO tawanan ang lahat noong media launch niyong pelikulang Last Fool Show. Kasi nga nasimulan ang kuwentuhan sa simula ng pagkikilala nina JM de Guzman at Arci Munoz. Nagkakilala pala sila noong 2005 pa. Sinasabi ni Arci na 15 lang siya noon, 16 naman si Jm.
Aminado rin naman si Arci, Tita Maricris, na noon pa man ay pansin na nilang pogi ang apo ni Mang Cune, pero hindi nga niya masyadong pansin kasi may katabaan pa noon si JM, bukod sa akala nila kagaya rin siya niyong ibang sumasali sa mga theater group na bumabalikwas din ang daliri kung walang ibang nakakakita.
Sabi nga kasi ni Arci, karamihan naman kasi sa nakakasama nila sa theater, mga bading din.
Natawa nga kami eh, sabi kasi niya ok lang naman sa kanya ang gays bilang kaibigan, at marami siyang mga kaibigang gays, pero iyong makipagligawan sa isang gay, hindi pa niya nararanasan.
“Mayroon pa tomboy,” pagkukuwento pa ni Arci, na karaniwang nangyayari rin sa mga high school girls kahit na ngayon.
Kaya nga habang ginagawa nila iyang Last Fool Show, palagay na palagay na ang loob nila sa isa’t isa, kasi ang nasa isip nila, nagkakilala na sila 19 years ago pa. Nagkasama na rin sila sa trabaho at more or less alam na nila ang ugali ng isa’t isa.
Para na nga iyong ”reunion” nilang dalawa.
Hindi rin naman malayo ang kuwento ng Last Fool Show, dahil tungkol iyon sa isang babaeng director ng pelikula na naisipang gawing kuwento ang naging love affair niya sa kanyang ex. Iyan ang romantic comedy nga talaga.
HATAWAN
ni Ed de Leon
