HATAW! D'yaryo ng Bayan hatawtabloid.com
SINIBAK sa puwesto ni National Capital Regional Office (NCRPO) chief, P/Major General Guillermo Eleazar ang buong puwersa ng Pasay City Police Drug Enforcement Unit (PCP, DDEU) at Eastern Police District (EPD) kabilang ang kanilang director at hepe matapos mahuli ang ilan sa kanilang miyembro sa pangongotong nang maaresto sa magkahiwalay na entrapment operations nitong Martes.
Kaya mabilis ang utos ni PNP chief. P/General Oscar Albayalde, agad sinibak sa puwesto ni Eleazar sina P/Brigadier General Barnabe Balba, director ng EPD; P/Colonel Noel Flores, hepe ng Pasay City Police; 15 pulis na nakatalaga sa Pasay City Police Station Drug Enforcement Unit (SDEU) at 27 pang police na katalaga sa iba’t ibang departamento.
Ini-relieve sa puwesto si Flores, hepe ng Pasay police at 15 tauhan ng SDEU dahil sa pagkakaaresto sa isa nilang miyembro na si Corporal Anawar Nasser, na sinabing nangingikil ng P.1 milyon mula sa isang drug suspect.
Unang nadakip ng mga miyembro ng Pasay-SDEU ang suspek na si George Revilla, nitong Martes ng hapon at hiningian daw ng kuwarta ang live-in partner nito kapalit ng kalayaan.
Nagreklamo at nagsumbong ang babaeng kinakasama ni Revilla sa Counter Intelligence Task Force (CITF) ng PNP na nagsagawa agad ng entrapment operation laban sa Pasay-SDEU.
Bitbit ang marked money, pumunta ang babae sa nabanggit na tanggapan pero kinapkapan siya ng grupo at nadiskubre ang kanyang dala.
Kinuha nila ang cellphone ng babae kaya hindi nakapagbigay ng senyales sa mga operatiba ng CITF dahilan para makatakas, pero nadakip naman si Nasser.
Sinibak din sa puwesto si Balba, matapos mahuli sa entrapment operation sa kasong “robbery extortion” ang isang tauhan niya na kabilang sa 44 pulis na sinibak ni Philippine National Police (PNP) Chief General Oscar Albayalde.
Tsk tsk tsk…
Mukhang ‘yang mahigpit na kampanya sa ilegal na droga ay naging daan upang maging pera-pera ang operasyon.
Akala natin noong una dahil, maliit ang suweldo ng mga pulis kaya sila natutuksong pumasok sa ganyang mga raket at ilegal na gawain.
Hindi pala.
Ngayon na itinaas na ni Pangulong Rodrigo Duterte ang kanilang sahod ganoon pa rin ang gawain ng mga corrupt na pulis.
Aba, e talagang talamak na sa kawalanghiyaan!
Gusto tuloy natin maniwala na, matindi umano ang ‘quota’ ng lespu kaya panay ang ariba sa anti-illegal drug operations.
‘Yung walang pag-areglo, sorry na lang, tiyak na titimbuwang sa kalsada.
Sumakit nang husto ang ulo nina generals Albayalde and Eleazar.
Kaya nakikiusap sila sa publiko, huwag matakot isumbong ang mga kotongerong lespu.
Wattafak!
Generals Albayalde & Eleazar, mga Sir, palagay natin ay matinding kampanya naman laban sa mga kotongerong pulis ang dapat na ilunsad.
Umpisahan na ‘yan!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
