HATAW! D'yaryo ng Bayan hatawtabloid.com
ARESTADO ang tatlong hinihinalang drug personalties kabilang ang live-in partners sa isinagawang buy-bust operations ng mga pulis sa Malabon City, kamakalawa ng gabi.
Kinilala ang mga naarestong suspek na sina Rosalia Gipaya alyas Cel, live-in na si Ronie Borres alyas Agao, kapwa 41-anyos, pusher, residente sa Salmon St., Caloocan City, at Elizabeth Baruela, 45-anyos taga-Tumaris St., Brgy. Tugatog.
Ayon sa ulat, dakong 11:50 ng gabi nang isagawa ng mga operatiba ng Station Drug Enforcement Unit (SDEU) sa pangunguna ni P/Insp. Rolando Domingo ang buy-bust operation laban sa mga suspek sa Tumaris St. Brgy. Tugatog.
Matapos iabot ng mga suspek ang isang sachet ng shabu sa isang police na nagpanggap na poseur-buyer kapalit ng P300 marked money, agad nagbigay ng signal sa kanyang mga kasamahan na mabilis lumusob saka inaresto ang tatlo. Narekober ng mga operatiba sa mga suspek ang pitong plastic sachets na naglalaman ng hindi pa mabatid na halaga ng hinihinalang shabu at buy-bust money.
(ROMMEL SALES)
