Totoy patay sa nabuwal na kandila (Walang koryente sa Kyusi…)

PATAY ang isang 4-anyos totoy nang hindi makalabas sa nasusunog nilang tahanan sa North Fairview, Quezon City, kamakalawa ng gabi.

Ang biktima ay kini­lalang si Elixer Jumalon, nakatira sa No. 24 Boule­vard St., Brgy. North Fairview, Quezon City.

Sa imbestigasyon ng Quezon City Bureau of Fire Protection,  ang sunog ay sumiklab dakong 9:39 pm na nagtagal nang mahigit isang oras bago naapula.

Ayon sa report, hindi na nakalabas ng bahay ang bata dahil tulog na tulog ang biktima.

Tinangka ng kuya ng biktima na iligtas ang kapatid pero nabigo ito dahil malaki na ang sunog.

Nasa Laguna ang ina ng bata  habang ang kan­yang ama ay nasa trabaho pa nang maganap ang sunog.

Sa  imbestigayon ni Fire Officer Joseph Del­mundo, lumilitaw na mula sa natumba at napabayaang kandila ang san­hi ng sunog dahil wa­lang koryente ang bahay.

Bukod sa tahanan ng pamilya ng biktima ay 11-bahay pa na may 30 pamilya ang nawalan ng tahanan.

ni ALMAR DANGUILAN