HATAW! D'yaryo ng Bayan hatawtabloid.com
ILANG sexy movies rin ang ginawa noon ni Lara Morena sa OctoArts Films at mga independent movie outfit bago siya nalinya sa comedy at action. At ngayong hindi na visible sa showbiz at mukhang kontento na sa pagiging girlfriend ni Paolo Bediones ay nakaisip ng negosyo si Lara at ito ang leche flan in Kapampangan style na siya mismo ang nagluto at turo daw ng kanyang lola.
At nang kanya itong i-post sa kanyang Facebook account na Mylene Sanchez (totoong pangalan ng sexy star), ilang minuto lang ay dinagsa na agad nang maraming orders si Lara na galing sa kanyang mga showbiz at non-showbiz friends.
In fairness bulto-bulto ang orders kaya agad na nagpunta si Lara sa isang grocery store para bumili ng ingredients at llanera. Dahil agad na pumatok ang kanyang leche flan, mukhang kakarerin na ni Lara ang negosyo na pinangalan niya ng MYE Homemade Specials.
“Sa mga pending na orders ng Leche flan ginagawa ko na po please bear with me. wala po akong assistant ako lang po talaga lahat ang gumagawa, punong puno po ng pagmamahal ‘yan kaya masarap! Sa mga friends ko na sumuporta po sa unang araw ko kahapon at talagang dumayo pa para matikman at mai-share sa ibang mga kaibigan. Maraming maraming salamat, hindi ko na isa-isahan mga pangalan n’yo, you know who you are, mahal ko kayo!”
Post pa ng actress sa kanyang social media account.
VONGGANG CHIKA!
ni Peter Ledesma
