HATAW! D'yaryo ng Bayan hatawtabloid.com
SABI nga, ang ilog na mababaw, maingay.
Kaya naman pala walang tigil sa pagrepeke itong si Kakang Freddie Aguilar — kasi ang estilo niya’y mema lang — as in, me masabi lang.
Hak hak hak!
Kabanat-banat ba naman e, “Ang maganda po sa China, wala po silang record ng pangangamkam ng lupa nang may lupa. So hindi po ako natatakot sa Chinese.”
Gustong maging senador, e sa current events pa lang, bokya na.
Mukhang pang-row four ang tirada mo Kaka. Row four na malapit sa trash can.
Arayku!
Hindi mo gayahin si alyas Leon Guerrero, mas pipiliin na niyang masabihan na tagabutas ng bangko pero hinding-hindi siya gagaya sa isda na magpapahuli sa sariling bibig.
Alam mo Kaka, walang tatawad sa husay mong kumanta — kaya puwede ba, kumanta ka na lang?!
Sino bang may galit sa iyo ang nagpayong pumasok ka sa politika?! O baka naman tumatakbo ka lang for the fun(d) of it?!
Ganoon ba ‘yun?!
Suspetsa natin, mayroong ‘malaking baka’ na nangako kay Kaka na siya ay popondohan.
Aba, kung manalo nga naman sa Senado, proteksiyon din ‘yan.
Anyway, alam naman nating, may nakatagong ‘diwang makabayan’ sa puso ni Kakang Freddie. Pero ang pagpasok niya sa politika ay hindi garantiyang patuloy niyang mapag-aalab ang pagiging makabayan.
Bukod diyan, hindi nga nakikita ang pangalan niya sa mga survey…
Sa isang bagay lang siya number one…
Number siya sa mga kulelat.
‘Yun lang!
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
