Mag-inang ‘Jean Garcia’ 3 pa, timbog sa droga

APAT na babae kabi­lang ang kapangalan ng sikat na artista na si Jean Carcia at kanya umanong anak na babae ang naaresto ng mga pulis habang nagtatran­saksiyon ng ilegal na droga sa Caloocan City.

Kinilala ni Caloocan Police Community Pre­cinct (PCP) 7 head S/Insp. Geraldson Rivera ang mga naarestong suspek na sina Jean Garcia, 56-anyos; at anak na si Kathryn Garcia, 36; Jenny Hom­boy, 43; at Genevieve Lig-Ang, 26, pawang residente sa Magsaysay St.. Del Rey, Sta. Quite­ria sa Brgy. 163.

Sa ulat, dakong 5:30 ng hapon nang respon­dehan ng mga tauhan ng PCP-7 upang alamin ang reklamo mula sa isang concerned citizen hinggil sa nagaganap umanong illegal drug trade sa kahabaan ng Magsaysay St., sa nasabing lugar.

Pagdating sa natu­rang lugar, nakita ng mga pulis ang mga suspek na nagtatransaksiyon umano ng ilegal na droga na naging dahilan upang arestohin sila.

Narekober sa mga sus­pek ang apat na plas­tic sachet na nagla­laman ng hinihinalang shabu, disposable lighter, tim­ba­ngan at isang cell­phone.

Kasong paglabag sa RA 9165 ang isinampa ng pulisya kontra sa mga suspek sa piskalya ng Caloocan City.

(ROMMEL SALES)