Lance Raymundo, masaya sa takbo ng career

MARAMING dapat ipagpasalamat si Lance Raymundo sa magtatapos na taong 2018. Maganda kasi ang takbo ng kan­yang showbiz career this year.

Although sa year na ito rin pumanaw ang mahal ni­yang ama dahil sa matagal nang karam­daman, thankful pa rin ang singer/actor/composer dahil nakasama pa rin nila nang ilang taon ang ama kahit maysakit ito.

Kabilang sa blessings na dumating kay Lance this year ay nang makapag-guest siya sa FPJ’s Ang Probinsyano na pinagbibidahan ni Coco Martin. Nagkaroon din siya ng kaliwa’t kanang shows, endorsements, at nakapaglabas din ng singles, ang Yato at Silent Night na siya mismo ang gumawa ng arrangement in collaboration with Ramiru Mataro.

Dahil natuwa ang Viva rito, next-next month ay magkakaroon si Lance ng bagong single na pinamagatang Sana, na original niyang komposisyon din. Plano rin ng kanyang home studio na mas mag-focus si Lance sa kanyang singing career ngayong 2019.

Pagsasabayin ba niya ang singing at acting?

Sagot ni Lance, “I think I could say it. May mga small na dumarating like I have a supporting role in the movie of Nadine (Lustre), iyong Indak with Sam Concepcion. I was informed by the bosses that they’re giving me a role. Also, I’m shortlisted for an American series. Sana makapasok pero I’m shortlisted. Although mawawala ako rito for a couple of weeks if I get the role. I’ll be shooting abroad.

“Pero ‘yung mas talagang ipinu-push even for me is music, because I wanna also up ‘yung career ko as an actor using my own merits. So para sa akin kung magiging hitmaker ako, wonderful. Para when I get casted for the next role, siyem­pre they’ll get me a better role, ‘di ba? Because I have a hit, so feeling ko I earned my spot and I’m patient naman.”

Sa ngayon, may tinatapos na pelikula si Lance na siya ang bida under Direk Elwood Perez.

ALAM MO NA!
ni Nonie Nicasio